Наурызбаева Марзия Тоқтағазықызы, 1965 жылы 29 желтоқсанда Семей облысы, Аякөз қаласында дүниеге келген.
1992 жылы Алматы қалалық 1 педагогикалық училищесінің «Мектепке дейінгі мекемелердің тәрбиешісі», 1997 жылы Қыздар мемлекеттік педагогикалық институтының «Мектепке дейінгі мекемелер әдіскері, педколедж мұғалімі» мамандықтарын тәмамдады.
Еңбек жолын 1992 жылы Алматы қаласы, Бостандық ауданына қарасты №314 балабақшасында тәрбиеші қызметінен бастаған.
2004 жылы осы балабақшада әдіскер қызметіне ауыстырылды.
2006 жылдан бастап №79 балабақшасына ауысып, әдіскер қызметін атқарады.
2007 жылдың қараша айынан бастап қазіргі уақытқа дейін осы аталған балабақшаның меңгеруші қызметін атқарып келеді.
Осы қызметте әріптестері, ата-аналар алдында беделді, сыйлы, ерекше ұйымдастырушы. Бала тәрбиесіне үлкен үлесін қосып, аянбай күш-жігерін салып, қызметін адал атқара отырып, тәрбиеленушілерге мектепке дейінгі тәрбие беру саласында өз біліктілігі мен тәжірибесімен бөліп отырады. Сондай-ақ, бала тәрбиесінде баланың тұлға болып қалыптасуына, жан-жақты, шығармашылыққа бейім болып тәрбиеленуіне көңіл бөледі.
Сонымен қатар, Марзия Тоқтағазықызының балабақша тәрбиешілеріне арналған әдістемелік құралдары жарық көрді: «Біз мектепке барамыз», «Жазуға үйренейік», «Мектепке дейінгі ұйымдардың сәбилер тобында сенсорлық тәрбиені ұйымдастыру».
Жаңа сұрақтар саны - 1
Барлық сұрақтар саны - 1
Жауаптар саны - 0